Пра новыя талоны распавяла галоўны эканаміст філіяла «Агенцтва Мінсктранс» Ірына Домарава. Вонкава квіткі падобныя да папярэдніх, але цяпер яны сталі гарызантальнымі і з двух бакоў на іх з'явіліся белыя палі для адзнакі кампосцера.
Домарава распавяла, што новыя талоны пусцяць у абарот з лютага. Разам з імі паралельна будуць дзейнічаць і квіткі старога ўзору.
- Мы мяняем дызайн прыкладна раз у год. Цяпер мы гэта зрабілі ў першую чаргу для зручнасці пасажыраў. Увялі дадатковае поле, каб білет было зручна кампаставаць з двух бакоў. Акрамя таго, дадалі ступень абароны — яна ўнутры білета, каб не падраблялі талоны.
Домарава кажа, што адзінкавыя выпадкі падробкі талонаў былі, а інфармацыю пра тое, як іх падрабіць, распаўсюджваюць у інтэрнэце.
Цана ж білета ніяк не звязаная з новым дызайнам талонаў і застанецца такой жа - 60 капеек за праезд у касе, 65 - у кіроўцы.
- І цяпер яны сталі не толькі зручнейшымі, але і больш сімпатычнымі. Яркія і паводле каляровай гамы больш прыемныя, - дадае эканаміст прадпрыемства.
Цяпер чытаюць
«Далі 3600 рублёў штрафу». На беларуску напісаў палітычны данос хлопец, з якім яна хадзіла на спатканні і якога злавіла на здрадзе31
Каментары