17 студзеня ў Нацыянальным мастацкім музеі і музеі Азгура пройдзе Міжнародны дзень музейнага сэлфі. Яшчэ ў 2014 годзе інтэрнэт-карыстальнікам прапанавалі зладзіць своеасаблівы флэшмоб, выклаўшы ў сацсетку свае фатаграфіі на фоне музейных экспанатаў. У 2018 годзе сэлфі — гэта ўжо новы асветніцкі фармат, які прыцягвае ў музей новую аўдыторыю.
У Нацыянальным мастацкім музеі падрыхтавалі інтэрактыўныя фотозоны, квэст па экспазіцыі, а таксама музычную джазавую праграму (яна пачнецца а 19-й). 17 студзеня Мастацкі расчыніць свае дзверы ў 13.00 і будзе прымаць гасцей да 21:00. Музейнікі заклікаюць дзяліцца здымкамі з хэштэгам # MuseumSelfie2018 #artmuseumby, але нагадваюць: усё экспанаты павінны застацца цэлымі і некранутымі!
У гэтым годзе ў музеі-майстэрні Заіра Азгура акцыя да Міжнароднага дня музейнага сэлфі праводзіцца ў рамках спецпраекта «Майстар і час», прысвечанага 110-годдзю з дня нараджэння скульптара. Умова такая ж: пакідайце ў сацыяльных сетках сэлфі з хэштэгам #MuseumSelfie, #MuseumSelfie2018 і #azgurmuseum. Адзіная просьба: пры фатаграфаванні са скульптурай адключыць успышку. Уваход вольны.
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ5
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну66
Каментары