У Саудаўскай Аравіі на вярблюджым фестывалі дзясяткі жывёл былі выключаныя з конкурсу прыгажосці па прычыне ін'екцый ботакса, піша Times of Oman.
Выданне паведамляе, што ўладальнікі жывёл выкарыстоўвалі ботакс, каб надаць вярблюдам больш прывабны выгляд і павялічыць шанцы на поспех.
Вярблюджы фестываль з'яўляецца ў Саудаўскай Аравіі традыцыйным мерапрыемствам. Ён уключае ў сябе не толькі конкурс прыгажосці, але таксама скачкі і іншыя спаборніцтвы.
Акрамя гэтага, наведвальнікаў фэсту чакае звярынец, паказ рознага памеру вярблюдаў, дэгустацыя вярблюджага малака і іншыя забавы.
Каментары