Актыўная фаза пошукаў судна «Усход», якое знікла у Японскім моры, спынена з-за адсутнасці надзеі знайсці членаў экіпажа жывымі. Пра гэта ТАСС паведамілі ў Марскім выратавальна-каардынацыйным цэнтры Уладзівастока.
«Сёння, а 20-ай гадзіне мясцовага часу (13:00 па Мінску) актыўная фаза пошукаў спынена з-за адсутнасці якой-небудзь разумнай надзеі знайсці людзей жывымі. Далей пошукі будуць ажыццяўляцца праходзячымі ў гэтым раёне судамі», - паведаміў прадстаўнік цэнтра.
Ён адзначыў, што пошукі вяліся на працягу пяці дзён. За гэты час былі знойдзены некалькі прадметаў са зніклага судна і два выратавальныя плыты без людзей. Пры гэтым ўдзельнікам пошукавай аперацыі прыходзілася стала працаваць ва ўмовах шторму.
25 студзеня ў Японскім моры ў 50-70 мілях ад прыморскага порта Посьет спрацаваў аварыйны буй на рыбалоўным маразільным судне «Усход» (порт прыпіскі - Невельск, Сахалінская вобласць), на якім знаходзіліся 20 чалавек, сярод якіх беларус Аляксандр Каранкевіч.
Каментары