Праваахоўнікі знайшлі ў гаражы ў жыхара Ашмян 740 літраў спірту, паведамляе Гродзенскае УУС.
Буйная партыя спірту, якая захоўвалася ў гаражы мужчыны 1963 года нараджэння, была канфіскавана супрацоўнікамі міліцыі падчас аператыўна-вышуковых мерапрыемстваў.
Мужчына растлумачыў, што не памятае, дзе купіў такую вялікую колькасць вадкасці, аднак у далейшым планаваў яе выкарыстоўваць выключна для ўласных патрэб. Аднак часцей за ўсё падобныя партыі набываюцца для далейшай рэалізацыі.
Жыхар Ашмян у 2016 годзе ўжо трапляў у поле зроку міліцыі з аналагічнымі парушэннямі. Зараз у дачыненні да яго складзены адміністрацыйны пратакол.
Цяпер чытаюць
Гістарычныя +40,4°C у Пінску — гэта толькі разагрэў. Беларусь уваходзіць у новую кліматычную эру і на вачах стане лесастэпам5
Каментары