Плошча льдоў у Арктыцы сёлета дасягнула найменшых значэнняў у гісторыі
Плошча паўночнай лядовай шапкі Зямлі дасягнула максімальна нізкіх значэнняў, пабіўшы рэкорды 2015, 2016 і 2017 гадоў, паведамляе НАСА.
Гэты год, як адзначае Клэр Паркінсан, кліматолаг з Цэнтра касмічных палётаў НАСА (ЗША), працягнуў серыю рэкордаў — плошча арктычных льдоў да 17 сакавіка гэтага года склала ўсяго 14,48 мільёна квадратных кіламетраў.
Гэта значэнне, як адзначаюць кліматолагі, працягвае 13-гадовы трэнд па скарачэнні плошчы лёду падчас зімовых месяцаў, які патэнцыйна звязаны з анамальна высокімі тэмпературамі падчас снежня, студзеня і лютага ў Арктыцы і па ўсім паўночным паўшар'і ў цэлым.
Паводле ацэнак НАСА, тэмпература за палярным кругам была ў сярэднім на 8-10 градусаў вышэй, чым у часы да індустрыяльнай рэвалюцыі.
Як адзначае Паркінсан, адной з прычын ўстанаўлення новага рэкорду стала тое, што за мінулую зіму Арктыка перажыла адразу некалькі перыядаў пацяплення, і нават на паўночным канцавоссі перыядычна панавалі станоўчыя тэмпературы. Калі б не пахаладанне ў пачатку і сярэдзіне сакавіка, то плошча льдоў была б яшчэ меншая.
Галоўную пагрозу для лядовай шапкі Арктыкі, па словах навукоўцаў НАСА, сёння прадстаўляюць не толькі анамальна высокія тэмпературы, але і буйныя расколіны, што з'явіліся ў шматгадовых льдах ля берагоў Грэнландыі ў канцы зімы. Іх далейшае разрастанне можа прывесці да расколу лядовай шапкі і яе паскоранаму раставанню ў наступныя гады.
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары