У паветра над штатам Індыяна падняўся борт E-4B Nightwatch, больш вядомы, як «самалёт суднага дня». Гэта вынікае з дадзеных радара, апублікаваных у Twitter-акаўнце CivMilAir.
Гэта спецыяльны самалёт, абаронены ад уздзеяння электрамагнітнага імпульсу, які ўтвараецца пры ядзерным выбуху і абсталяваны прасунутай сістэмай сувязі, здольнай працаваць у самых цяжкіх умовах.
Галоўная задача гэтага самалёта — кантроль над амерыканскімі ядзернымі сіламі на выпадак вайны з прымяненнем атамнай зброі. У выпадку нападу прэзідэнт, віцэ-прэзідэнт або начальнік штабоў сустракаюцца ў сакрэтным месцы, дзе іх падбірае Boeing E-4 В. Пасля самалёт ляціць па засакрэчаным маршруце і можа заставацца ў паветры на працягу некалькіх дзён дзякуючы дазапраўцы ад лятаючых танкераў.
У мірны час гэты самалёт можа выкарыстоўвацца для кантролю за правядзеннем ваенных аперацый — для гэтага на борце ёсць усе неабходныя сістэмы.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары