Huawei выпусціць першы ў свеце гнуткі смартфон, апярэдзіўшы Samsung
Дагэтуль уцечкі сцвярджалі, што Samsung планавала стаць першай у свеце кампаніяй, якая выпусціць гнуткі складны смартфон, прататып якога быў паказаны нават на выставе Mobile World Congress (MWC) 2018. Але, відаць, што распрацоўка ідзе не так гладка: рэліз Galaxy X адкладзены да 2019 года, а на званне піянера ў сферы вытворчасці гнуткіх смартфонаў прэтэндуе Huawei.
Згодна з новым дакладам, апублікаваным у паўднёвакарэйскім выданні, Huawei можа стаць першым у свеце вытворцам, які выпусціць складаны смартфон, перадае hi-tech.mail.ru. Чакаецца, што ён будзе прадстаўлены ўжо ў лістападзе гэтага года.
Карэйскае выданне піша, што складны смартфон Huawei атрымае гнуткі дысплей LG. Samsung пры гэтым будзе выкарыстоўваць уласны гнуткі OLED-экран. Як і ў выпадку з запланаваным Samsung Galaxy X, гнуткі смартфон Huawei будзе працаваць па прынцыпе кніжкі: калі дысплэй складваецца, атрымліваецца смартфон, а калі раскладваецца — планшэт.
Спецыфікацыі смартфона застаюцца невядомымі. На дадзены момант, паводле розных чутак, афіцыйных заяваў і ўцечак інфармацыі, адразу некалькі вытворцаў смартфонаў рыхтуюцца да запуску складных смартфонаў: акрамя Apple і LG, у бліжэйшыя гады чакаюцца анонсы ад кітайскіх кампаній OPPO, Lenovo і ZTE.
Цяпер чытаюць
Беларусам стала складаней легалізавацца ў Польшчы — там больш не прымаюць выдадзеныя ў БССР дакументы і патрабуюць апастылі48
Каментары