У Касуце пад Вілейкай нехта заклеіў надпіс «Лапіцкі — герой Нацыянальнага Cупраціўлення» ФОТА
«Праязджаў праз сяло Касута Вілейскага раёна і заўважыў, што там нехта заклеіў інфармацыю, што Расціслаў Лапіцкі — герой», — напісаў у «Нашу Ніву» чытач Павел Т.
Так раней выглядаў турыстычна-краязнаўчы стэнд вёскі Касута з інфармацыяй пра славутых землякоў:
А так стала цяпер:
Чытайце таксама: Міхась Чарняўскі: Гэта была беларуская «Маладая гвардыя»
Расціслаў Лапіцкі быў кіраўніком падпольнай патрыятычнай арганізацыі.
Лапіцкі быў родам з вёскі Касута Вілейскага раёна. Ягоны бацька там служыў праваслаўным святаром.
У 1948—1949 гадах Лапіцкі з сябрамі распаўсюджвалі антысавецкія ўлёткі ў зоне Смаргоні-Мядзела-Нарачы. Арганізацыя пратрымалася некалькі гадоў, пакуль на яе след не выйшлі савецкія спецслужбы.
У 1950 годзе група была раскрытая.
Допыты, катаванні — і прысуд.
Група ставіла сваёй задачай дабіцца незалежнасці Беларусі, што разглядалася савецкім рэжымам як асаблівае злачынства. Удзельнікаў адправілі гніць у канцлагеры, а кіраўнікі — Расціслаў Лапіцкі ды Факунда Несцяровіч — былі асуджаныя на расстрэл. Несцяровіч напісаў прашэнне аб памілаванні, і расстрэл яму замянілі зняволеннем. Расціслаў пісаць прашэнне адмовіўся. Яго расстралялі ва ўрочышчы Красны Беражок ля Вілейкі. Было яму тады 22 гады.
У Касуце захавалася хатка Лапіцкіх і царква, дзе служыў бацька Лапіцкага. Больш пра Расціслава Лапіцкага можна прачытаць у кнізе: Міхась Чарняўскі. Як пошуг маланкі. — Мінск: Тэхналогія, 2006.
Цяпер чытаюць
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было44
Каментары