Расьцяжку «Свабоду палітвязьням!», якую галадоўнікі вывесілі на гаўбцы, зьнялі пад’ёмным кранам.
Салігорскімі галадоўнікамі зацікавіліся праваахоўныя органы. Як паведаміў Іван Шыла, 30 траўня зранку ў кватэру, дзе месьцяцца моладзевыя актывісты спрабавалі ўвайсьці двое міліцыянтаў: адзін у форме, другі ў цывільным. Хлопцы міліцыянтаў не пусьцілі. Тыя, аднак, не здаліся і, падагнаўшы кран, зьнялі расьцяжку «Свабоду палітвязьням!», якую галадоўнікі вывесілі на гаўбцы.
Ціск на галадоўнікаў не абмяжоўваецца толькі візытамі міліцыянтаў. Івана Шылу выклікаюць 30 траўня на 9 гадзінаў раніцы ў салігорскую пракуратуру як сьведку ў крымінальнай справе «Маладога Фронту»: позву перадалі ягонаму бацьку.
Акрамя таго, хлопцы кажуць, што відэакамэра на галоўнай вежы «Беларуськалія», якая дагэтуль была скіраваная на цэнтральную плошчу гораду, з раніцы 30 траўня пераведзеная ў бок іхнае кватэры.
АШ
Цяпер чытаюць
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі36
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя2020
Каментары