Туркменскія праваахоўнікі шукаюць «парушальнікаў», якія праз дарагоўлю туалетнай паперы выкарыстоўваюць газеты з выявай прэзідэнта Гурбангулы Бердымухамедава, паведамляе расійская «Новая газета».
У горадзе Гумдаг на захадзе краіны з мінулага тыдня ўчастковыя інспектары абавязаны абыходзіць прыбіральні ў прыватных падворках. Акрамя дамоў павінны абыходзіць звалкі, каб шукаць запэцканыя кавалкі газет.
«Знайсці іх нескладана: на кожнай газеце напісаны нумар дома падпісчыка. Тут рэч якая: туалетная папера ў Туркменістане дарагая, а на газеты прымушаюць падпісвацца кожную сям'ю. І не трапіць — ва ўсіх сэнсах — на Бердымухамедава вельмі складана: ён рэальна на кожнай вокладцы галоўнай штодзённай газеты краіны «Нейтральны Туркменістан», — распавядае аўтар артыкула.
Паводле яго слоў, гэта не першае паляванне на газеты ў туалетах Туркменістана. У сакавіку ў горадзе Гараглы за газету ў прыбіральні звольнілі дырэктарку мясцовай школы.
Аўтар кажа, што калі пасля першага разу чалавека зловяць з газетай зноў — яму пагражае звальненне з працы.
Па інфармацыі выдання, у Туркменістане зараз харчовы крызіс і практычна няма наяўных грошай. Назіральнікі адзначаюць наймацнейшы дэфіцыт любых тавараў.
-
Самалёт Flydubai уратавалі пілот-індыец і тры пасажыры, адзін з якіх стаматолаг. Другога пілота звязалі правадамі ад слухавак і маланкамі
-
У Паўднёвай Карэі 600 тысяч чалавек прыйшлі паглядзець на акулу, якая захрасла ў канале
-
У амерыканскім Тэнэсі ўпершыню за 200 гадоў збіраліся пакараць смерцю жанчыну. Але выкананне прыпынілі за гадзіну да прызначанага часу
Каментары