Учора ўвечары каля 22:00 у Першамайскі РАУС Віцебска паступіла паведамленне ад жыхара Віцебска 1967 года нараджэння, які паведаміў аб тым, што па вуліцы Рэпіна каля пад'езда жылога дома знаходзіцца малалетняе дзіця без суправаджэння дарослых, паведамляе прэс-служба УУС Віцебскага аблвыканкама.
На месца неадкладна выбыла следча-аператыўная група. Па прыездзе супрацоўнікаў дзіця знаходзілася пад наглядам мужчыны, які выклікаў міліцыю. Паўтарагадовая дзяўчынка была апранута ў ружовую майку і памперс. Дзіця агледзелі супрацоўнікі хуткай дапамогі, пасля чаго даставілі ў дзіцячую клінічную бальніцу для абследавання.
Як паведамілі ў міліцыі раніцай, 31 мая, бацькоў дзяўчынкі знайшлі, абставіны здарэння высвятляюцца, піша БелТА.
Каментары