Бабчанка папрасіў $50 тысяч за інтэрв'ю: першай пагадзілася «Расія»
Расійскі тэлеканал пагадзіўся на прапанову журналіста Аркадзя Бабчанкі заплаціць $50 тысяч за яго інтэрв'ю.
Пра гэта паведаміў сам журналіст у Facebook.
Раней Бабчанка пісаў, што праз сваю «шалёную стомленасць» і «кучу праблем» ён будзе браць аплату за эксклюзіўнае інтэрв'ю.
«У мяне цяпер такая куча праблем, мне трэба ў чарговы раз жыццё зноўку з нуля будаваць, каб я мог думаць яшчэ і пра тое, як рабіць вам рэйтынгі і кантэнт. Таму давайце так: пяцьдзесят штук баксаў — і эксклюзіўнае інтэрв'ю вашае. Я шалёна стаміўся. я выціснуты цалкам. Апошнія пару дзён я быў на мяжы нервовага зрыву. Калі ласка, не тузайце мяне. Дайце ажыць», — напісаў ён.
Пазней Бабчанка дадаў, што першым пагадзіўся расійскі тэлеканал «Расія».
Прапанову журналіст адхіліў у мацернай форме і патлумачыў, што на тэлеканал, безумоўна, прыедзе, але толькі на танку «Абрамс» і не для інтэрв'ю.
«І нават не думайце мне пісаць ні з якімі сваімі крывавымі грашыма — так даступна», — дадаў журналіст.
Улады Гродна паведамілі пра выхад з ладу ліўнёўкі пад ударам стыхіі1
Каментары