Пракурор просіць для 24-гадовага Марэка Вітошэка зь Цешына 14 месяцаў турмы з адтэрміноўкай на 3 гады і штраф у памеры 700 злотых. Таксама ён павінен прынесьці прабачэньні Леху Качыньскаму ў адной з польскіх газэтаў.
Марэк займаўся стварэньнем аматарскіх праграмаў. Занятак ператварыўся ў кепскі жарт, калі дзякуючы намаганьням інтэрнаўта, упісаўшы ў пошукавік абразьлівае польскае слова «kutas», на першым месцы можна было пабачыць галоўную старонку сайту прэзыдэнта Польшчы. Не да жартаў стала, калі ў сакавіку мінулага году па Марэка прыйшлі паліцыянты. Акрамя крамольнай праграмы ў яго знайшлі пірацкія кампутарныя праграмы.
Лёс няўдалага праграміста вырашыцца ў лістападзе.
Паводле gazeta.pl
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары