Беларускі ўнівэрсітэт імя Ніла Гілевіча з верасьня распачынае курсы падрыхтоўкі да цэнтральнага тэставання, піша Радыё Свабода.
Пра гэта паведамілі заснавальнікі падчас прэзентацыі збору матэрыялаў Міжнароднай канферэнцыі «Нацыянальны ўніверсітэт у ХХІ стагоддзі: місія і выклікі»
«Наш універсітэт будзе таксама займацца выдавецкай дзейнасцю і іншымі накірункамі. Курсы будуць беларускамоўныя, замежныя мовы будуць выкладацца праз беларускую, — заявіў рэктар універсітэта Алег Трусаў. — Гэтаксама, як гэта плануецца і ў навучальным працэсе: беларускамоўнае навучанне з выкладаннем шэрагу дысцыплін на замежных мовах — так, як у большасці прэстыжных універсітэтаў, калі траціна дысцыплін на старэйшых курсах выкладаецца на замежных мовах. Уся неабходная навукова-выкладчыцкая база для гэтага ў нас ёсць».
Паводле Трусава, штат выкладчыкаў Беларускага ўніверсітэта імя Ніла Гілевіча будзе фармавацца пасля атрымання ліцэнзіі на выкладанне.
Універсітэт прайшоў дзяржаўную рэгістрацыю 15 сакавіка 2018 году. 12 чэрвеня ў Міністэрстве адукацыі Беларусі прайшлі перамовы аб наданні ліцэнзіі на выкладанне.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары