Былы кіраўнік Ленінскага раёна Валерый Кулеш, якога затрымалі летам 2016 года і які напісаў на імя прэзідэнта прашэнне аб памілаванні, выйшаў на волю. Пра гэта TUT.BY распавялі дзве не звязаныя паміж сабой крыніцы.
— Ужо 2-3 месяцы, як Кулеш выйшаў [на свабоду]. Але ён ні з кім на сувязь не выходзіць, — кажа суразмоўца. Яшчэ адзін чалавек распавядае, што бачыў экс-чыноўніка ў горадзе некалькі месяцаў таму.
У пачатку ліпеня 2016 года сілавікі затрымалі былога кіраўніка адміністрацыі Ленінскага раёна Мінска па падазрэнні ў перавышэнні службовых паўнамоцтваў, што ўваходзіць у спіс карупцыйных злачынстваў.
У кастрычніку 2017 года старшыня Следчага камітэта Іван Наскевіч паведаміў, што крымінальная справа ў дачыненні да Кулеша перададзена пракурору яшчэ ў маі 2017 года. Але суд так і не адбыўся: экс-чыноўнік на той момант звярнуўся да прэзідэнта з хадайніцтвам аб памілаванні. Гэта значыць, што ён прызнаў сваю віну і кампенсаваў шкоду.
Цяпер чытаюць
Чацвёртую лінію мінскага метро павядуць у Дражню. А «Сляпянка» і «Даўгабродская» змянілі сваё месца4
Каментары