Стала вядома пра яшчэ адзін канфлікт у Мінску з пасажырамі машыны з сімволікай «ДНР»
«Наша Ніва» пісала пра гісторыю са збіццём прыхільніка «рускага свету» Сергея Ланавенкі. Паводле яго словаў, каля гандлёвага цэнтра «Мома» ў Мінску яму перапала за майку «ДНР». Ён сцвярджае, што яму пры гэтым былі нанесеныя цялесныя пашкоджанні. Праўда, чамусьці няма фота гэтага, што дае падставы ўсумніцца ў праўдзівасці сцверджанняў Ланавенкі.
Збіраючы інфармацыю пра тое, што ж сапраўды адбылося каля «Мома», «Наша Ніва» раскапала, што, па супадзенні, на гэтым жа месцы ў пачатку мая 2018 года адбылася іншая сутычка аналагічнага характару.
Каля «Мома» прыпаркавалася машына, завешаная імперскай сімволікай, у тым ліку сцягамі сепаратыстаў Данбаса. У машыне сядзела сямейная пара сярэдніх гадоў. Малады хлопец, жыхар Мінска, які праходзіў побач, плюнуў на лабавое шкло машыны. Пара выйшла, пачалася слоўная перапалка.
Мужык схапіў хлопца за грудкі, нанёс удар, але хлопец аказаўся дужэйшым. Прыхільнік расійскіх імперскіх ідэй застаўся са зламаным пальцам.
Хлопец яшчэ і аддзёр з машыны некалькі налепак.
Удзельнікі канфлікту выклікалі міліцыю. Пры праглядзе камер відэаназірання высветлілася, што першым нанёс удар мужчына з машыны. Таму, у выпадку разбіральніцтва, за «хуліганства» да адказнасці былі б прыцягнутыя абодва. Таму пацярпелы вырашыў заявы не пісаць.
«Мома» — гэта вялікі гандлёвы цэнтр на выездзе з Мінска на Магілёўскую шашу.
У інтэрнэце выказваліся меркаванні, што Расія можа выкарыстаць такія інцыдэнты як падставу для ўзмацнення ціску на ўлады Беларусі.
-
Брытанія 25 гадоў не можа дэпартаваць беларуса — той хлусіць беларускім уладам, што ён не свой. І яны не забіраюць яго дадому
-
Вывучыў восем моваў, ажаніўся і стаў доктарам у Барысаве — гісторыя медыка з Туркменістана
-
Міністр абароны Літвы пра ліст Зяленскага: Наіўна чакаць, што Пуцін проста возьме і адступіць
Каментары