Міністэрства замежных спраў Славакіі выказаў занепакоенасць з нагоды таго, што расійскі нацыяналістычны байкерскі клуб «Начныя ваўкі», блізкі да Пуціна, мае базу паблізу Браціславы.
На базе, размешчанай у мястэчку Дольна Крупа за 70 кіламетрах ад славацкай сталіцы, шмат старой вайсковай тэхнікі. Расейскі ўрад назваў базу «Еўрапейскай штаб-кватэрай» «Начных ваўкоў».
Гэта байкерская групоўка знаходзіцца пад санкцыямі ЗША па абвінавачванні ў ваеннай падтрымцы прарасейскіх баевікоў ва Украіне.
Прэс-сакратар МЗС Славакіі Петэр Суско заявіў bbc.com, што за дзейнасцю «Начных ваўкоў» будуць «пільна сачыць». «Мы думаем, што ўплыў іх членаў шкодны, асабліва з пункту гледжання распаўсюду іх поглядаў, бо яны імкнуцца перапісаць гісторыю», - адзначыў ён.
На просьбу ўдакладніць, якія менавіта супярэчлівыя думкі прапагандуюць байкеры, чыноўнік прывёў прыклад: «Што Крым расійскі, што Сталін з'яўляецца героем, а НАТА крымінальная групоўка».
Славацкія прыхільнікі байкераў
Славакія з'яўляецца сябрам НАТА і ЕС. Як частка Чэхаславакіі краіна была саюзнікам Масквы падчас «халоднай вайны».
Славацкая нацыяналістычная група NV Europa пад кіраўніцтвам Ёзэфа Гамбалека з'яўляецца саюзнікам «Начных ваўкоў» і дала ім базу. На мінулым тыдні яны пагражалі журналістам радыё «Свабода», якія здымалі базу звонку.
Расійскія байкеры кажуць, што ператвораць тэрыторыю базы ў музей Другой сусветнай вайны.
Суско заявіў, што «Начныя ваўкі» называюць сябе клубам і не з'яўляюцца урадавай арганізацыяй, таму цяжка ўмяшацца ў сітуацыю праз пасольства Расіі. «Гэта падстава для рэальнай турботы, што людзі, якія выказваюць супрацьлеглыя палітыцы Славакіі погляды, спрабуюць арганізавацца на тэрыторыі Славакіі», - заявіў прэс-сакратар.
Раней паліцыя краіны заяўляла, што тэхніка, якая знаходзіцца на тэрыторыі базы, непрыдатная для прамога выкарыстання.
Хто такія «Начныя ваўкі»
Лідар «Начных ваўкоў» Аляксандр Залдастанаў па мянушцы «Хірург» часта з'яўляўся побач з Уладзімірам Пуціным. Часам прэзідэнт Расеі нават ездзіў разам з «Хірургам». У 2013 годзе Пуцін узнагародзіў Залдастанава ганаровым медалём.
Урад ЗША абвінавачвае «Начных ваўкоў» у прамым удзеле ў канфлікце ва Украіне. Залдастанаў трапіў пад санкцыі па абвінавачванні ў дачыненні да анэксіі Расеяй Крыма ў 2014 годзе і падтрымцы сэпаратыстаў на ўсходзе Украіны.
«Начныя ваўкі», блізка звязаныя з расійскімі спецслужбамі, дапамагалі рэкрутаваць баевікоў для Данецка і Луганска», - гаворыцца ў дакументах ЗША. Таксама там адзначаецца, што падчас анэксіі Крыму «Начныя ваўкі» бралі ўдзел у штурме газавай станцыі «Стралковая» і штаб-кватэры ўкраінскага флоту ў Севастопалі.
Славацкі тэлеканал TV Noviny паведамляе, што «Начныя ваўкі» маюць 5000 членаў у некалькіх еўрапейскіх краінах, такіх як Сербія, Румынія, Македонія і Балгарыя.
Каментары