Лукашэнка мае намер змагацца з «акіянам аўтамабіляў» у мінскіх дварах
Аляксандр Лукашэнка даручыў кіраўніцтву Мінска падумаць, як паменшыць колькасць асабістых аўтамабіляў на тэрыторыях каля жылых дамоў. Пра гэта ён заявіў 3 верасня падчас дакладу старшыні Мінгарвыканкама Уладзіміра Кухарава.
Лукашэнка адзначыў, што некаторыя дваровыя тэрыторыі Мінска выглядаюць перагружанымі машынамі. Паводле яго, замест зялёных зон каля дамоў часам утвараюцца сапраўдныя «акіяны аўтамабіляў», якія псуюць выгляд горада.
Ён падкрэсліў, што цалкам пазбавіцца ад аўтамабіляў немагчыма, але трэба шукаць рашэнне праблемы з паркоўкай. Ён лічыць, што каля жылых дамоў павінна заставацца больш прасторы для дрэваў, кустоў, кветнікаў і адпачынку людзей.
«Стаіць дом, перад ім сквер да праезнай часткі — добра, прыгожа. Але гэта рэдкасць. А ў іншых выпадках — гэта акіян аўтамабіляў. Брудныя дзесьці, замурзаныя. Ну не вельмі прыгожа, калі будынак тоне ў чарадзе гэтых аўтамабіляў. Нам трэба думаць, што нам рабіць. Нікуды не дзенемся ад аўтамабіляў. Але трэба думаць, што нам рабіць з гэтымі стаянкамі. Перад домам, каля дома ўсё ж такі людзі павінны дыхаць чыстай прыродай — дрэвы, кусты, кветкі, клумбы і гэтак далей».
На яго думку, аўтамабілі варта паступова перамяшчаць на паркоўкі, размешчаныя далей ад дамоў. Гэта дазволіла б стварыць больш камфортныя ўмовы для жыхароў, у тым ліку дзяцей і пажылых людзей.
Такі падыход можа даць вялікія прыбыткі забудоўнікам, якія будуць ставіць шматярусныя паркоўкі.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў17
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары