У Лагойскім раёне хлопец сп'яна падпаліў саламяную фігуру, пастаўленую да «Дажынак» ВІДЭА
Увечары 2 верасня ў Лагойскім раёне малады чалавек вырашыў зняць відэа з падпалам саламянай скульптуры каля аграгарадка Астрошыцы, піша «Мінская праўда».
Як паведамілі ў Лагойскім райаддзеле Следчага камітэта, перад гэтым хлопец выпіў віна і піва, а пасля пайшоў сустракаць на прыпынку знаёмую. Па дарозе ён паводзіў сябе агрэсіўна і чапляўся да мінакоў.
Урэшце ж малады чалавек вырашыў зладзіць «агнявое шоу». Ён папрасіў знаёмую здымаць яго на відэа, пасля чаго з дапамогай запальнічкі падпаліў саламяную фігуру.
«Спадарства, сёння мы падпалім што-небудзь. Глядзіце ўважліва», — гаворыць мужчына на відэа.
Хоць ён хаваў твар пад капюшонам, гэта яму не дапамагло. Яго асобу ўстанавілі ўжо раніцай 3 верасня дзякуючы таму самаму запісу.
У дачыненні да маладога чалавека завялі крымінальную справу за хуліганства. За гэта яму могуць пагражаць грамадскія або папраўчыя работы, штраф, арышт, абмежаванне волі да двух гадоў альбо пазбаўленне волі на тэрмін да трох гадоў.
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»9
Каментары