На пераход расійскіх чыноўнікаў і работнікаў дзяржкампаній на выкарыстанне мабільнай аперацыйнай сістэмы Sailfish «Растэлекама» спатрэбіцца больш як 160 млрд расійскіх рублёў (больш за 2,5 млрд даляраў).
На яе хочуць перавесці амаль 8 млн карыстальнікаў да канца 2021, піша kommersant.ru. На смартфоны з Sailfish павінны перайсці 7,9 млн супрацоўнікаў дзяржорганаў, бюджэтных устаноў і кампаній з дзяржудзелам, паведамляе выданне. Такія смартфоны таксама будуць рэкамендаваныя органам мясцовага самакіравання.
Sailfish распрацоўвалася фінскай кампаніяй Jolla, у якой працавалі былыя супрацоўнікі Nokia. У сакавіку 2018 года 75% кампаніі Jolla набыў «Растэлекам».
Цяпер чытаюць
«Разагнаць дармаедаў! Аддаць людзям зямлю!» Трактарыст з Хойнікаў, які цяпер жыве ў Латвіі, параўнаў сельскую гаспадарку там і ў нас1
Каментары