Сёння ў рэдакцыю «Рэгіянальнай газеты» прыйшоў чытач Уладзімір Кавалевіч. Мужчына прынёс агурок, які яны з жонкай Нінай вырасцілі на лецішчы на Валожыншчыне. Даўжыня агурка — 51 сантыметр.
— Мы пенсіянеры. Разам з жонкай на лета прыязджаем у яе бацькоўскі дом у вёску Высокае, што на Валожыншчыне, — распавёў Уладзімір Кавалевіч. — Вырошчваем агуркі, памідоры, шмат кветак.
Сёлета дачка прывезла бацькам насенне агуркоў гатунку «Салатны». Гаспадыня абгарнула кожнае зярнятка ў туалетную паперу і пасадзіла. А прыйшоў час — знайшла ў цяпліцы вялікі агурок. Гаспадар памераў яго. У даўжыню агурок аказаўся 51 сантыметр. Пакуль гэта першы такі «экземпляр».
Аднак, па словах гаспадара, на агурочніку яшчэ ёсць завязі.
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай32
Каментары