Галоўны трэнер жлобінскага «Металурга» Аляксандр Палішчук пасля паразы ад «Юнацтва» (0: 6) распавёў пра недахоп інвентара. Словы трэнера са спасылкай на прэс-службу «Металурга» перадае «Прэсбол»:
— У першую чаргу падзякую заўзятарам за тое, што былі з намі да апошняга. Хацеў бы папрасіць іх крыху пачакаць, мы яшчэ не раз вас парадуем, але трэба крыху часу. Уся каманда вельмі перажывае, і даб'ецца поспеху з такім падыходам.
Што тычыцца гульні, то скажу, што нечым яна спадабалася. Напэўна, лік не павінен быць такім разгромным, але ў супернікаў кідок — гол, а нашы кідкі менш небяспечныя, ды і не такая вялікая колькасць іх сёння была. Ды і яшчэ зноў падвяла большасць.
— Здалося, што ў большасці гульцы імкнуцца разыгрываць да дакладнага і мала кідаюць, згодныя з гэтым?
— Я не хачу, каб гэта падвалася як нейкая скарга, але прычына тая ж. Баімся кідаць, таму што банальна няма клюшак. Дарэчы, дзякуй Міхаілу Міхайлавічу, што ў трэцім перыядзе выручылі нас адной. Амаль у кожнай гульні людзі садзяцца на лаву, таму банальна далей няма чым гуляць. Сёння, напрыклад, у трэцім перыядзе хакеісты «Юнацтва» перадалі клюшку нашаму абаронцу, — цытуе Палішчука прэс-служба «Металурга».
Цяпер чытаюць
Хто забараняе ў Беларусі кнігі — вось гэтыя 22 чалавекі4
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары