Кіраўнік прадстаўніцтва Еўрапейскага саюза ў Беларусі Андрэа Віктарын у эфіры АНТ выказала надзею на хуткае падпісанне пагаднення аб спрашчэнні візавага рэжыму.
Фота: ld-inbelarus.by.
«Цяпер праходзяць перамовы аб спрашчэнні візавага рэжыму. Ужо ёсць прапановы адносна даты правядзення наступнага раўнда. Мы спадзяемся, што гэта будзе апошні», — сказала Андрэа Віктарын.
Яна адзначыла, што пагадненні амаль гатовыя. Іх падпісанне будзе важным крокам.
«Нашы адносіны апошнім часам палепшалі. І мы хочам, каб у нас былі гэтыя візавыя пагадненні з Беларуссю. Спадзяюся на хуткае падпісанне», — дадала кіраўнік прадстаўніцтва ЕС у Беларусі.
Перамовы аб спрашчэнні візавага рэжыму і рэадмісіі афіцыйна пачаліся ў студзені 2014 года.
Каментары