Паўночная і Паўднёвая Карэя размініравалі аб'яднаную зону бяспекі на мяжы. Пра гэта паведамляе CNN і дадае, што 42-ы прэзідэнт ЗША Біл Клінтан назваў яе «самым жахлівым месцам на планеце».
Як паведамілі ў Пхеньяне, Сеуле і камандаванні ААН, якое кіруе паўднёвай часткай зоны, з яе прыбраны ўсе міны і ахоўныя пасты, вывезена ўсё агнястрэльная зброя і боепрыпасы.
З пачатку аперацыі па дэмілітарызацыі мяжы было выкапана 14 наземных мін, 187 іншых выбуховых прылад і астанкі двух салдат. Відаць, яны належаць паўднёвакарэйскім грамадзянам, аднак цяпер праводзяцца дадатковыя тэсты ДНК, паведамілі ў Мінабароны Рэспублікі Карэя.
Чакаецца, што абодва бакі неўзабаве прыбяруць з мяжы лішняе абсталяванне для назірання. Пасля яны будуць ставіць прылады сачэння толькі па ўзгадненні адно з адным, а таксама пачнуць дзяліцца інфармацыяй.
Цяпер чытаюць
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай20
Каментары