Караблі ВМС Украіны на лімітавай хуткасці рухаюцца ў кірунку Керчанскай пратокі, заявілі РІА Навіны ў ФСБ.
Паводле ранейшых расійскіх заяваў, каля 7:00 раніцы тры ўкраінскія караблі парушылі дзяржаўную мяжу Расіі і ўзялі курс у бок Керчанскага праліва. У 11:30 з порта Бярдзянск выйшлі два браняваныя артылерыйскія судны класа Гюрза.
Украінскі бок заявіў, што два ўкраінскія катары і буксір ажыццяўлялі планавы пераход з порта Адэсы да порта Марыупаль Азоўскага мора. Інфармацыю аб праходзе караблёў была прадстаўленая загадзя, але расійскі пагранічны карабель пратараніў украінскі буксір.
Цяпер украінскія караблі знаходзяцца пры ўваходзе ў Керчанскую пратоку. Расія, паведамляюць ВМС Узброеных Сілаў Украіны, прыцягнула ўдарныя верталёты Ка-52 да іх суправаджэння.
Рух па пратоцы, паводле Керчтрафіккантролю, перакрыты ў абодва бакі ў сувязі з пасадкай на мель танкера перад мостам з боку Азоўскага мора. «Варта адзначыць, што дадзеная інфармацыя пакуль не пацвярджаецца міжнароднай сістэмай кантролю суднаходства», - дадалі ў ВМС.
Чытайце: Расійскі памежны карабель пратараніў украінскі буксір: бакі абмяняліся абвінавачаннямі
Цяпер чытаюць
Памятаеце Таццяну Зарэцкую, якая са скандалам звальнялася з Кабінета Ціханоўскай? У Эстоніі яе падазраюць у махлярстве45
Каментары