Каардынатар «Еўрапейскай Беларусі» Яўген Афнагель выйшаў на свабоду. Апазіцыйны палітык расказаў Charter97.link усе падрабязнасці свайго затрымання.
Чытайце таксама: Затрыманы актывіст Яўген Афнагель. Яго абвінавачваюць у крадзяжы
«Жонку пасадзілі ў асобны аўтамабіль, мяне ў іншы. Я паспеў коратка напісаць пра затрыманне. Мяне адразу папярэдзілі, што мяне абвінавачваюць у крадзяжы, гэта пагражае крымінальным пакараннем. Сказалі, што жонку я не хутка ўбачу.
Мяне адвезлі ў Бараўлянскі аддзел міліцыі разам з загадчыкам склада, дзе я купляў будматэрыялы. Пакуль мы ехалі, яму простым тэкстам казалі, што ты павінен напісаць заяву пра крадзеж, інакш праблемы будуць у цябе.
Я не ведаю, ці напісаў ён заяву, але ў Бараўлянскім аддзеле міліцыі ў мяне адразу забралі тэлефон, склалі пратакол па адміністрацыйнай справе, дзе ў мяне ўзялі тлумачэнні» — сказаў Афнагель.
Пазней участковы, які складаў пратакол, заявіў, што статус Афнагеля па гэтай справе замянілі на «сведку». Цяпер ён знаходзіцца на волі.
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм11
Каментары