Міністэрства энергетыкі растлумачыла, хто мае права скарыстацца новым нізкім тарыфам на электрычнасць для ацяплення і гарачага водазабеспячэння, які дзейнічае з 1 студзеня.
Аказалася, што да названай тарыфнай групы адносяцца як жылыя памяшканні (кватэры) у шматкватэрных і блакіраваных дамах, так і аднакватэрныя жылыя дамы, аднак толькі пры ўмове:
— калі яны не падлучаныя да цэнтральнага цеплазабеспячэння і сістэмы цэнтралізаванага газазабеспячэння;
— калі яны абсталяваны «стацыянарна ўсталяванымі прыёмнікамі электрычнай энергіі» з асобным лічыльнікам.
Новы тарыф прымяняецца ў выпадку, калі сумарная магутнасць электранагравальнага абсталявання спажыўца складае больш за 5 кВт.
З заявай пра жаданне перайсці на новы тарыф трэба звяртацца ў тэрытарыяльную энергазабяспечвальную арганізацыю.
Каментары