Праграміст з Мінска стварыў тэлеграм-бота, які палягчае змаганне са злоснымі парушальнікамі паркоўкі
Цяпер да існуючых інструментаў барацьбы з тымі, хто паркуецца не па правілах, дадаўся яшчэ адзін. Мінскі праграміст напісаў тэлеграм-бота (спецыяльную ўнутраную праграму), які вызваляе людзей ад неабходнасці заходзіць на сайт ДАІ ці пампаваць шаблоны зваротаў, прымацоўваць фотаздымкі і адпраўляць кантэнт па пошце.
Цяпер усё гэта будзе зроблена за вас аўтаматычна пры дапамозе бота «Паркун» (зайдзіце ў тэлеграм, увядзіце логін @parkun_by_bot у пошук і карыстайцеся).
Дастаткова націснуць «Старт», проста ў тэлеграме ўвесці свае прозвішча і імя, адрасы, дадаць фотаздымкі з фіксацыяй парушэння і націснуць кнопку «адправіць у ДАІ». Пацверджанне таго, што ўсё атрымалася, прыйдзе на вашу электронную скрынку.
«Я натхніўся існуючымі вось тут крокамі па прыцягненні да адказнасці парушальнікаў паркоўкі і вырашыў трохі аўтаматызаваць працэс. Напісаны мной бот сам адпраўляе звароты ў ДАІ ад імя карыстальніка», — падзяліўся з «НН» малады чалавек, які папрасіў не раскрываць яго імя.
У будучыні праграміст хоча пашырыць фунцыянал бота на ўсю Беларусь, а не толькі на Мінск (хоць у сталіцы, канечне, праблемы з паркоўкай самыя адчувальныя). А таксама плануе дадаць беларускі шаблон, каб бот мог адпраўляць звароты ў ДАІ не толькі на рускай мове.
Яшчэ з парушальнікамі прама зараз мінчукі змагаюцца пры дапамозе петыцыі.
Чытайце таксама:
«Не разумею, чаму ў нас актыўна штрафуюць за грамадскую актыўнасць, а з парушэннямі на стаянках працуюць так марудліва?»
-
«Я еду натхніцца ўкраінцамі». Святлана Ціханоўская пачала афіцыйны візіт ва Украіну
-
«Думалі, бандыты, аказалася — паліцыя». Удзельнікі перастрэлкі ў Польшчы расказалі сваю версію, але пытанняў менш не стала
-
З-за школьнай парты — у намёт на 15 чалавек. Як старшакласнікаў будуць прымусова рыхтаваць да службы
Цяпер чытаюць
«Я еду натхніцца ўкраінцамі». Святлана Ціханоўская пачала афіцыйны візіт ва Украіну7
Каментары