«Паставілі знак «Прыпынак забаронены» каля адзінай кругласутачнай аптэкі, штрафуюць і ўсміхаюцца»
«Раскажу гісторыю, якая адбылася сёння са мной, — піша нам наш чытач Аляксандр Валейша з Ліды. — У нашым горадзе для зарабляння грошай у бюджэт быў усталяваны знак «Прыпынак і стаянка забароненыя» каля адзінай кругласутачнай аптэкі. Найбліжэйшая стаянка — недзе метраў 400 ад яе. Усе мы ведаем, як дарагая кожная хвіліна, калі экстрана патрэбныя лекі. Напрыклад, як у мяне сёння, калі ў маленькага дзіцяці ўпершыню паднялася тэмпература. Паехалі ў аптэку па цэфекон. Выклікалі таксі, і таксіст, які аказаўся ЧАЛАВЕКАМ, нягледзячы на тое, што пагражае штраф, спыніўся пад знакам. І што б Вы думалі? Так, з'явілася ДАІ. Далей тлумачэнне сітуацыі, якое нікому не цікава, і штраф — з усмешкай на твары.
Так, кіроўца парушыў. Безумоўна.
Адно пытанне: ставіць забаронны знак ля адзінай кругласутачнай аптэкі ў немаленькім горадзе — такая ўжо неабходнасць? Халатнасць? Або цынічы намер? Там заўсёды знойдзецца з каго «бабла ссекчы». Вынік: цэфекон мне каштаваў 1 р. 70 кап. + 25 рублёў штраф (я вінаваты, я і плаціў)», — піша чытач з Ліды, якога гэтая сітуацыя вельмі пакрыўдзіла.
-
Ты рускамоўны чалавек свету ці ты чалавек беларускі? Кейс Насты Рагатко
-
«Валасы дыбарам». У ютубе з'явіліся відэаролікі па гісторыі Беларусі, ад пачатку да канца напісаныя штучным інтэлектам
-
Наста Рагатко: Усіх, хто супраць удзелу беларусаў у івэнтах расіян, я чакаю ўбачыць на кірмашах польскіх, брытанскіх, іспанскіх
Каментары