На жалезаруднай шахце на паўднёвым усходзе Бразіліі абрынулася плаціна рэзервуара з адкідамі. На дадзены момант вядома як мінімум пра дзевяць загінулых, каля 200 чалавек лічацца зніклымі без вестак, паведамляе ВВС.
Паводле слоў губернатара штата Мінас-Жэрайс, шанцаў знайсці тых, хто выжыў у выніку стыхійнага бедства мала.
У выніку прарыву дамбы, якая стрымлівала адкіды, гразевы паток пахаваў пад сабой кавярню, дзе абедалі сотні рабочых.
Ратавальнікі выкарыстоўваюць землярыйныя машыны ў надзеі выявіць тых, хто выжыў. Пакуль незразумела, што выклікала прарыў дамбы, якой валодае найбуйнейшая ў Бразіліі горназдабыўная кампанія Vale.
На здымках з верталёта, паказаных мясцовым тэлеканалам, відаць, як паток бруду змятае ўсё на сваёй дарозе.
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць
Каментары