Прэзідэнт Венесуэлы Нікалас Мадура распавёў ria.ru, што ўлады Калумбіі і калумбійская мафія атрымалі з ЗША загад аб яго забойстве.
Вось некаторыя цытаты з інтэрв'ю.
— Як вы можаце ў цэлым ацаніць сітуацыю ў эканоміцы Венесуэлы?
— Мы знаходзімся ў стадыі крытычнага аднаўлення, атрымліваючы верх над перашкодамі і атакамі на сістэму абмену, на сістэму цэн. Але мы маем паслядоўную праграму, план. Я ўпэўнены, што мы будзем паступальна ісці, прыкладаючы ўсе намаганні для стабілізацыі сітуацыі.
— Ці не чакаеце вы новага замаху на вас?
— Складанае пытанне.
— Гэта магчыма?
— Па-першае, мой лёс у руках Госпада, я хрысціянін, я веру ў абарону Госпада… Мяне ўвесь час абараняе народ Венесуэлы, у нас ёсць добрая служба разведкі. Але, без сумневу, Дональд Трамп аддаў загад мяне забіць, сказаў ураду Калумбіі, мафіі Калумбіі, каб яны мяне забілі. Калі са мной аднойчы нешта адбудзецца, то Дональд Трамп і прэзідэнт Калумбіі Іван Дуке будуць несці адказнасць. Між тым, мяне абараняюць, у нас ёсць добрая сістэма абароны, і, больш за тое, у нас ёсць больш істотная абарона — гэта абарона з боку Бога, які дасць мне доўгае жыццё.
— А расійскія прыватныя ахоўнікі не адносяцца да часткі гэтай абароны?
— Не магу гэтага сказаць. No comment. Не каментую нічога… У мяне няма каментароў па гэтай тэме.
— Вы гатовыя арганізаваць выбары, парламенцкія ці прэзідэнцкія, раней за гэты тэрмін?
— Было б вельмі добра правесці больш раннія парламенцкія выбары, гэта была б вельмі добрая форма палітычнай дыскусіі, добрае рашэнне з народным галасаваннем. Я падтрымаў бы, калі б раней былі праведзены выбары ў Нацыянальную асамблею.
— Вы гатовыя сустрэцца са спадаром Трампам, напрыклад запрасіць яго сюды ў Венесуэлу, каб абмеркаваць тое, што адбываецца?
— Я ўсе гэтыя гады рабіў спробы: на асабістым узроўні — накіроўваў паведамленні, якія даходзілі да Трампа, публічна, праз СМІ, каб з урадам ЗША была ўстаноўлена сувязь, павага, дыялог, нягледзячы на палітычныя, культурныя, ідэалагічныя рознагалоссі, нягледзячы на гэтак розныя нацыянальныя асаблівасці Дональда Трампа і Нікаласа Мадура. І здавалася, што магчымасць з'явілася. Але Болтан [памочнік прэзідэнта ЗША па нацыянальнай бяспецы — НН] забараніў Дональду Трампу пачаць дыялог з прэзідэнтам Мадура. У мяне ёсць інфармацыя, што ён забараніў.
Каментары