Былы прэзідэнт Украіны Віктар Януковіч заявіў, што падпісанты пагаднення ў лютым 2014 года аб урэгуляванні крызісу ва Украіне не адказваюць на яго лісты і да гэтага часу нясуць адказнасць за яго невыкананне. Пра гэта былы прэзідэнт заявіў падчас прэс-канферэнцыі ў Маскве, паведамляе Украінская праўда.
Паводле яго слоў, у 2014 годзе ён верыў, што пагадненне будзе выканана.
«Я не верыў, што краіны-падпісанты сябе дыскрэдытуюць. (Я думаў) усё, што мы падпішам, будзе выконвацца з абодвух бакоў і ў тым ліку за гэта будуць несці адказнасць краіны-падпісанты. Але я памыліўся», — сказаў ён.
«Як гэта можна назваць? Мяне падманулі? Здрадзілі? Ці як кажуць прасунутыя ўкраінскія палітыкі, якія сёння такімі сябе лічаць, мяне кінулі як лоха? Як?», — рытарычна запытаўся Януковіч.
Па словах экс-прэзідэнта, адказнасць да гэтага часу ляжыць на падпісантах.
«Я хацеў бы, каб мне публічна адказалі. Чаму я ўжо шмат разоў, шмат гадоў да іх звяртаюся і пішу ім лісты, я да гэтага часу не атрымаў адказ ад гэтых краін», — сказаў Януковіч.
Ён таксама распавёў, што свабодна перасоўваецца па тэрыторыі Расіі.
«Я магу выязджаць у любую краіну свету. Ніякіх праблем у мяне няма», — сказаў ён.
-
Рутэ: Вайскоўцы краін НАТА з’явяцца ва Украіне адразу пасля заключэння мірнага пагаднення
-
Наўседа: Я буду сярод тых, хто найбольш жорстка патрабуе падаўжэння санкцый ЕС супраць Беларусі
-
Біл і Хілары Клінтан пагадзіліся даць паказанні Кангрэсу аб сувязях з Эпштэйнам. Адмова пагражала ім крымінальнай справай
Цяпер чытаюць
Калеснікава: Лукашэнка можа пайсці на спыненне рэпрэсій дзеля будучыні і «з нейкай мудрасці»39
Каментары