У Рагачоўскім раёне на пажары ў чужой хаце загінуў мужчына, паведамляе МНС.
Паведамленне пра пажар у хаце ў вёсцы Ціхінічы паступіла ратавальнікам Рагачоўскага раённага падраздзялення МНС сёння ў 11.52. У сенцах ратавальнікі знайшлі беспрытомнага мужчыну, у двары была гаспадыня.
Жанчына пражывае ў суседняй хаце на той жа вуліцы. У момант узнікнення пажару яна знаходзілася па месцы пражывання і, даведаўшыся ад суседзяў, што з яе іншай хаты ідзе дым, адразу пабегла туды. Дзверы былі адкрытыя, у жылым пакоі на ложку жанчына знайшла мужчыну, ён ляжаў без прытомнасці.
Ім аказаўся грамадзянін 1981 года нараджэння, які пракраўся туды самавольна. Брыгада медработнікаў канстатавала смерць мужчыны.
Адна з версій здарэння — неасцярожнае абыходжанне з агнём пры курэнні.
Каментары