Выбары ў Малдове: праеўрапейскія сілы абышлі сацыялістаў у рэйтынгах, калі аб'ядналіся
Праеўрапейскія сілы аб'ядналіся і адразу зрабілі рывок у рэйтынгах. Апошнія сацыялагічныя апытанні паказваюць, што Партыя сацыялістаў не здолее набраць большасці ў парламенце.
Малдова — парламенцкая рэспубліка, прэзідэнт у ёй выконвае сімвалічныя функцыі.
16 снежня, за два месяцы да выбараў, дзве самыя папулярныя праеўрапейскія сілы «Партыя дзеяння і салідарнасці» (PAS) былога міністра адукацыі Маі Санду і «Платформа годнасць і праўда» (DA) былога пракурора Андрэя Нэстасэ аб'ядналіся. Дзякуючы гэтаму, яны зрабілі рывок у рэйтынгах. Адзіная палітычная сіла атрымала назву «Зараз — платформа DA і PAS».
Як вынікае за апошніх апытанняў грамадскай думкі, аб'яднаная апазіцыя можа разлічваць на 25% галасоў. Сацыялісты набіраюць каля 43% галасоў. Яшчэ 19% можа атрымаць Дэмакратычная партыя, якую ўзначальвае мультымільянер Улад Плахатнюк і якая цяпер кантралюе ўрад.
Іншая апытанка дае сацыялістам 35% галасоў, «Зараз — платформа DA і PAS» — 24% і 23% — Дэмакратычнай партыі.
Пры такім раскладзе праеўрапейскія сілы атрымаюць больш галасоў, чым прарасійскія. Аднак Малдову чакае складаны працэс фарміравання ўрадавай кааліцыі.
Сацыялісты прэзідэнта Дадона выступаюць з прарасійскіх пазіцый. Санду і Нэстасэ выступаюць за еўраінтэграцію Малдовы і блізкія па сваіх поглядах да Еўрапейскай народнай партыі. Дэмакратычная партыя афіляваная з еўрапейскімі сацыялістамі, крытыкі абвінавачваюць яе ў абслугоўванні інтарэсаў бізнэс-групы Плахатнюка.
«Сумны горад, пра які прынята добра казаць». Расіянка раскрытыкавала Мінск — беларусы ёй іранічна падзякавалі26
Каментары