Апосум стаў здабычай вялізнага павука ў джунглях Перу на вачах у даследчыкаў ВІДЭА
Павука-птушкаеда, які напаў на апосума, упершыню знялі на відэа. Пра гэта паведамляе Лента.ру са спасылкай на National Geographic.
Біёлагі з універсітэта Мічыгана заўважылі павука ў джунглях Перу, калі ён ужо схапіў здабычу. Дзіцяня апосума супраціўлялася каля 30 секунд, пасля чаго перастала падаваць прыкметы жыцця. Па словах відавочцаў, павук быў велічынёй з талерку (прыкладна 30 сантыметраў),
Даследчыкі задакументавалі больш за дзесяць выпадкаў, калі пазваночныя жывёлы станавіліся здабычай беспазваночных. У прыватнасці, ім удалося сфатаграфаваць і зняць на відэа беспазваночных, якія ядуць яшчарак, змей і лічынак амфібій.
Павукі-птушкаеды сілкуюцца пераважна насякомымі і драбнейшымі павукамі. Акрамя таго, яны нярэдка палююць на дробных грызуноў, птушак і рыб. У адрозненне ад іншых відаў павукоў, птушкаеды не плятуць павуцінне, а пільнуюць здабычу ў засадзе.
Цяпер чытаюць
Памятаеце былога памежніка, які стаў дальнабойшчыкам і ў Германіі прызнаваўся ў любові да Лукашэнкі? З ім бяда11
Каментары