Прычынай самагубства вакаліста гурта The Prodigy Кіта Флінта стала яго расставанне з жонкай, мадэлькай і дыджэем з Японіі Маюмі Каі, піша брытанскі таблоід The Sun.
Па словах неназваных крыніц выдання, пасля разрыву з жонкай Флінт трапіў у цяжкую дэпрэсію, з-за чаго нават выставіў на продаж іх агульны дом у графстве Эсэкс і зноў пачаў прымаць наркотыкі.
Кіт Флінт быў знойдзены мёртвым раніцай 4 сакавіка ў сваім доме ў Эсэксе. Яму было 49 гадоў. Як абвясціў пазней у інстаграме лідар The Prodigy Ліэм Хоўлет, Флінт наклаў на сябе рукі.

The Sun
Каментары