З 23 лютага пачалася рэканструкцыя вуліцы Багдановіча ад моста праз Свіслач да вуліцы Архітэктара Заборскага. Праз гэта рух на гэтым участку адбываецца толькі па адной паласе ў кожным кірунку. Дарожнікі спадзяюцца справіцца да мая. Аднак цяпер любое ДТЗ на гэтым адрэзку прыводзіць да транспартнага калапсу.
Так здарылася і 18 сакавіка. Як перадае onliner.by, прыкладна а 19-й, у гадзіну пік, ля моста праз Свіслач здарылася дробнае ДТЗ. Як аказалася, адзін з аўтамабіляў — удзельнікаў ДТЗ быў аформлены на юрасобу, таму скласці еўрапратакол і хуценька раз'ехацца кіроўцам не ўдалося, давялося чакаць ДАІ.
Утварыўся агромністы затор. Але кіроўцы аўтамабіляў, якія трапілі ў пастку, не разгубіліся — выйшлі з аўто, адсунулі адгараджальныя блокі, такім чынам вызваліўшы адну паласу, па якой паступова аднавіўся рух транпарту.
У ДАІ папярэдзілі, што выходзіць на праезджую частку забаронена, акрамя месцаў, адмыслова адведзеных для гэтага. Калі з нейкай прычыны трэба выйсці на дарогу, рэкамендуецца выкарыстоўваць адмысловыя камізэлькі, якія павышаюць бачнасць чалавека на дарозе.
Цяпер чытаюць
У Мінску кідаюць будаваць трэцюю лінію метро ў Зялёны Луг. Усе сілы пойдуць на чацвёртую, кальцавую8
Каментары