У Маладзечне работнік кацельні нахуліганіў у банку і гандлёвым цэнтры на тры гады абмежавання волі
Суд у Маладзечне вынес прыгавор 50-гадоваму работніку кацельні, які зладзіў скандал у банку і ўдарыў пляшкай па галаве адміністратара гандлёвага цэнтра, піша mlyn.by.
Вынеслі прысуд — тры гады абмежавання волі без накіравання ў выпраўленчую ўстанову адкрытага тыпу. Мужчыну таксама будуць прымусова лячыць ад алкагалізму.
Здарэнне адбылося 29 студзеня ў банку па Прытыцкага і ў гандлёвым цэнтры на Вялікім Гасцінцы.
Мужчына пасля начной змены выпіў пляшку лікёру і зайшоў у банк, каб разблакаваць картку. Вялікая чарга абурыла кліента, ён пачаў нецэнзурна лаяцца.
Ахоўнік зрабіў заўвагу, выклікаў міліцыю і загарадзіў выхад. Абвінавачаны двойчы ўдарыў нагой ахоўніка, адштурхнуў яго ўбок i ўцёк.
Пасля гэтага скіраваўся ў гандлёвы цэнтр. Там ён узяў з прылаўка пляшку віна, адкаркаваў, зрабіў некалькі глыткоў і паставіў на месца. Умяшаўся адміністратар цэнтра, за гэта ён атрымаў пляшкай па галаве.
Пасля ахоўнік з грузчыкам утрымлівалі дэбашыра да прыезду міліцыі. У судзе абвінавачваны цалкам прызнаў сваю віну і чыстасардэчна раскаяўся.
Суд улічыў раскаянне абвінавачанага, той факт, што мужчына раней не прыцягваўся да крымінальнай адказнасці і вынес прысуд, не звязаны з пазбаўленнем волі.
Былы міністр культуры Руслан Чарнецкі знайшоў сабе падпрацоўку9
Каментары