У пятніцу Лукашэнка правёў перастаноўкі ў Адміністрацыі прэзідэнта. Першым намеснікам Уладзіміра Макея стала Наталля Пяткевіч. Яна замяніла на гэтай пасадзе адыёзнага Анатоля Рубінава, чалавека сталінскіх поглядаў.
У пятніцу Лукашэнка правёў перастаноўкі ў Адміністрацыі прэзідэнта. Першым намеснікам Уладзіміра Макея стала Наталля Пяткевіч. Яна замяніла на гэтай пасадзе адыёзнага Анатоля Рубінава, чалавека сталінскіх поглядаў.
Наталлю Пяткевіч адносяць да лагеру лібералаў у атачэнні Лукашэнкі. Часта менавіта гэтая «жалезная лэдзі» беларускай палітыкі агучвае найбольш непапулярныя крокі ўладаў. Так было з ільготамі, калі спн.Пяткевіч прапаноўвала скасаваць іх цалкам, з амністыяй.
Разам з тым, яна не пагаджалася з рэформай адукацыі, калі з іроніяй сказала, што можа варта адмяніць і ангельскую мову для выкладання ў школах і ВНУ, каб выпускнікі не выязджалі за мяжу.
У 2007 годзе яна мела перамовы ў Мінску з намеснікам памочніка Дзяржсакратара ЗША Дэвідам Крэмерам. Тая сустрэча скончылася вызваленнем трох палітвязняў.
За апошні год куды толькі не ссылалі Пяткевіч. Хадзілі чуткі пра яе прызначэнне старшынём Канстытуцыйнага суду ці кіраўніцай Белтэлерадыёкампаніі. На справе ж аказалася, што пайшла на павышэнне на старой працы.
Намеснікам кіраўніка Адміністрацыі прэзідэнта прызначаны Мікалай Снапкоў, які дагэтуль займаў пасаду намесніка старшыні Магілёўскага аблвыканкаму.
* * *
Наталля Пяткевіч нарадзілася ў 1972 у Мінску. Скончыла юрфак БДУ (1994). У 2001 годзе была прызначаная прэс‑сакратаром Лукашэнкі. З 2004 году — намесніца кіраўніка Адміністрацыі прэзідэнта. У 2006 годзе ёй быў забаронены выезд у краіны Еўрасаюзу і ЗША, сёлета санкцыі былі адмененыя. Кандыдат юрыдычных навук.
Цяпер чытаюць
Няўдалае тэхнічнае рашэнне дорага абышлося арганізатарам галасавання ў Каардынацыйную раду1
Каментары