Для супрацоўніц Акадэміі навук асноўныя каштоўнасці — замужжа і дзеці, а не навука
Цікавыя звесткі былі змешчаныя ў апошнім нумары часопіса «Беларуская думка». Даследаванні правяла супрацоўніца Цэнтра маніторынгу міграцыі навуковых і навукова-педагагічных кадраў Інстытута сацыялогіі НАН Алеся Салавей.
Калі ў 1948 годзе колькасць жанчын сярод навуковых супрацоўнікаў складала 36%, то цяпер яна ўзнялася да 47,6%, кандыдатаў навук — з 23,8% да 42,8%, а дактароў навук — з 2,2% да 18%.
Што прыцягвае жанчын у навуку? Адказвалі толькі маладыя супрацоўніцы (да 35 гадоў). На першае месца выйшаў варыянт «Інтарэс да навуковай дзейнасці», яго абралі 64,8%. Далей ідуць «Магчымасць самарэалізацыі» (39%), «Размеркаванне» (39%) і «Рэкамендацыя выкладчыка» (25,8%). На апошнім месцы аказаўся варыянт «Высокі заробак», яго абралі толькі 1,1% апытаных.
Найбольш цікавымі тут выглядаюць лічбы адносна каштоўнасных арыентацый для жанчын-даследчыц Акадэміі навук. Дык вось важнай «фінансавую самастойнасць» лічаць адразу 73% апытаных.
На другім месцы аказаўся варыянт «мацярынства, выхаванне дзяцей», яго абралі 63% даследчыц, 55,4% абралі варыянт «замужжа і стварэнне сям’і».
Толькі 30% апытаных жанчын палічылі як важную каштоўнасць «самарэалізацыя ў якасці навукоўцы», а 19,7% — «навуковую кар’еру».
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары