Прадстаўнік сабора Нотр-Дам Ларан Прадэс заявіў, што з-за пажару ўнутры знакамітага будынка атрымаў пашкоджанні толькі адзін архітэктурны аб'ект — галоўны алтар, паведамляе AP.
Ён распавёў, што шпіль сабора ўпаў на галоўны алтар, усталяваны ў 1989 годзе, не закрануўшы іншыя каштоўнасці.
«Мы змаглі выратаваць усё астатняе. Усе стэлы 18-га стагоддзя, піеты, фрэскі, капліцы і вялікі арган у парадку», — сказаў Прадэс.
Тры вялікія вітражы ацалелі, але на іх маглі застацца сляды ад гарачыні. Пашкоджанні на вітражах будуць вызначаны падчас экспертызы.
Каментары