Паплечнік Статкевіча Спарыш саркастычна пра забойства даішніка: «Трагедыя стагоддзя. Забілі «мусара»
Генеральны сакратар незарэгістраванай партыі «Народная Грамада», якую ўзначальвае Мікалай Статкевіч, Сяргей Спарыш адрэагаваў саркастычным пастом у фэйсбуку на смерць 22-гадова супрацоўніка ДАІ з Магілёва.
«Трагедыя стагоддзя. Забілі мусара. Ён мог спакойна рабаваць і душыць, душыць і рабаваць — да ранняй пенсіі.
На пенсіі, гадоў з сарака, ён піў бы ў вясновым лесе бярозавы спрайт. А звычайныя, класава няблізкія людзі працягвалі б гарбаціцца на заводах і будоўлях, у бальніцах і школах, спачатку да 65 гадоў, потым да 70, потым да 80.
І наогул, пенсіі для ўсякіх рабацяг пара б ужо адмяніць. І стыпендыі для студэнтаў. І навошта нам столькі бальніц? А школы? Вы ўяўляеце, колькі грошай дзяржава марнуе на тое, каб навучыць грамаце ўсіх гэтых саплякоў? Мусароў карміць няма чым, а вы тут гэта вось усё, гарадавым вас у вуха!
Эх, бяда, што мусара забілі. Давайце разам яму паспачуваем», — напісаў Спарыш.
Такі допіс выклікаў абсалютна негатыўную рэакцыю карыстальнікаў сацсетак, многія адпісваюцца пасля такога ад Спарыша.
Цяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс19
Віктар Лукашэнка засвяціў на пасяджэнні НАК свой гадзіннік — цяжкі люкс
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары