Сёння ў Магілёве супрацоўнікі МУС затрымалі 48-гадовага цыганскага барона па мянушцы Ромка з мікрараёна Чапаеўка абласнога цэнтра. Мужчыну падазраюць у збыце наркотыкаў і невыкананні рашэння суда аб пазбаўленні права кіравання транспартнымі сродкамі. Спецаперацыя праходзіла пры падтрымцы супрацоўнікаў ДАІ і АМАП.
Паступілі звесткі аб тым, што падазраваны датычны да сістэматычнага збыту метадону, іншых наркатычных сродкаў і псіхатропных рэчываў. А сёння стала вядома, што дылер паспеў прадаць наркотыкі некалькім людзям і мае намер ажыццявіць яшчэ адну аналагічную здзелку.
Перад непасрэдным затрыманнем на аўтадарозе зламыснік паспеў праглынуць пакецік, як мяркуецца, з наркотыкам. Разам з тым пры аглядзе аўтамабіля аператыўнікі знайшлі невялікую ёмістасць з вадкасцю, якую накіравалі на экспертызу.
Распачалі крымінальныя справы па ч.3 арт. 328 (незаконны абарот наркатычных сродкаў, псіхатропных рэчыва і іх прэкурсораў), па якіх барон прызнаны падазраваным.
Вядома, што фігурант неаднаразова судзімы за пагрозу забойствам, прычыненнем цяжкіх цялесных пашкоджанняў або знішчэннем маёмасці, актыўна падтрымлівае іншых прадстаўнікоў крымінальнага свету.
Цяпер чытаюць
Вядучы СТБ Раман Пратасевіч пабраўся шлюбам трэцім разам49
Вядучы СТБ Раман Пратасевіч пабраўся шлюбам трэцім разам
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю44
Каментары