Адказным за ідэалагічную працу ў структурных падраздзяленнях магілёўскай «Строммашыны» загадалі арганізаваць і правесці сярод работнікаў падпісную кампанію на 2-е паўгоддзе. Фотакопія загаду апублікаваная ў суполцы «Могилев Real».
Ліст, на падставе якога быў выдадзены загад, кіраўніцтву завода паступіў з адміністрацыі Ленінскага раёна.
Сумы, якія работнікам трэба будзе выкласці за паўгадавую падпіску, вар'іруюцца ад 47,46 да 56,46 рубля ў залежнасці ад выдання.
«Калі ўлічыць, што ў сярэднім ІТР і рабочыя атрымліваюць дзесьці 450 рублёў, то сумы ў 47-56 рублёў вельмі адчувальныя», — піша аўтар фатаграфій.
У каментарах магілёўцы выказваюць катэгарычнае непрыманне такой практыкі.
Фото: vk.com/my.mogilev.
0
0
0
0
0
0
