У Гродне прапрацоўваецца пытанне прадстаўлення бясплатнага праезду ў маршрутных таксі для школьнікаў-выдатнікаў. Аб гэтым БелТА паведаміў старшыня пастаяннай камісіі па пытаннях сацыяльнай сферы, справах моладзі і ветэранаў Гродзенскага гарсавета Сяргей Мазайла.
З такой ініцыятывай гарадскія дэпутаты звярнуліся да прадстаўнікоў фірмаў-перавозчыкаў. «Папярэднія пагадненні ўжо дасягнуты. Цяпер неабходна адпрацаваць механізм. Вырашыць, напрыклад, як будзе пацвярджацца статус выдатніка, дастаткова дзённіка альбо неабходна будзе прадставіць дакумент са школы», — адзначыў Сяргей Мазайла.
Усе пытанні плануецца вырашыць да пачатку навучальнага года. Сяргей Мазайла падкрэсліў, што такім чынам дэпутаты і перавозчыкі хочуць стымуляваць дзяцей да добрай вучобы.
Каментары