Беларуска выйграла першы сэт у Серэны Уільямс, але...
Сёння ўначы прайшоў матч 1/8 фіналу Адкрытага чэмпіянату Аўстраліі па тэнісе паміж беларускай Вікторыяй Азаранкай і амерыканкай Серэнай Уільямс.
Першы сэт Вікторыя выйграла - 6:3, а ў другім пры ліку 2:4 ўзяла медыцынскі тайм-аўт з прычыны галавакружэння і праблем са страўнікам, паведамляе Прессбол.
Такім чынам Вікторыя выйграла на Australian Open тры матчы
у Петры Квітавай (Чэхія) - 6:2, 6:1; у прадстаўнічкі Італіі Тацяны Гарбін - 4:1 (Тацяна знялася са спаборніцтваў), францужанкі Амелі Марэсмо - 6:4, 6:2.
У 1/4 фіналу С. Уільямс згуляе з расіянкай Святланай Кузняцовай.
Іншыя чвэрцьфінальныя пары: Карла Суарэс-Навара (Іспанія) - Алена Дзяменцьева (Расія), Дзінара Сафіна (Расія) - Елена Докіч (Сербія), Марыён Барталі (Францыя) - Вера Званарова (Расія).
Як бачым, у чвэрцьфінале чатыры прадстаўнічкі Расіі.
***
Зазначым таксама, што зняўся дуэт Азаранка / Вера Званарова з парнага разраду. Перамога ў матчы трэцяга раўнду прысуджана Кары Блэйк (Зімбабвэ) і Лайзэл Хубэр (ЗША).
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі82
Каментары