Старшыня Еўрарады Дональд Туск у ноч на панядзелак, 1 ліпеня, быў вымушаны перапыніць кансультацыі аб узгадненні кандыдатуры новага кіраўніка Еўракамісіі замест Жана Клода Юнкера ў сувязі з немагчымасцю дасягнуць згоды ні па адной з прапанаваных кандыдатур, піша Dw.de
Раніцай у панядзелак ён правёў індывідуальныя кансультацыі з кожным з 28 прысутных на пазачарговым саміце ЕС ў Брусэлі кіраўнікоў дзяржаў і ўрадаў, пасля чаго ўзгадненне працягнулася ў пашыраным складзе.
Прычынай складанасцяў стала, як адзначае агенцтва Reuters, супраціў краін Вышаградскай групы (Польшчы, Венгрыі, Славакіі і Чэхіі), якая адвергла кандыдатуру нідэрландскага сацыял-дэмакрата Франса Тымерманса. Кандыдатуру Тымерманса ў якасці кампраміснай фігуры ў канчатковым выніку ўхвалілі канцлер Нямеччыны Ангела Меркель і прэзідэнт Францыі Эманюэль Макрон.
Па дадзеных крыніц Reuters, Туск, убачыўшы, што Тымерманс не набірае належнай падтрымкі, прапанаваў яшчэ тры імені, у тым ліку і прэзідэнта Сусветнага банка (СБ) Крысталіна Георгіева, ні адно з якіх, зрэшты, не выклікала масавай падтрымкі. Раней з ліку кандыдатаў выбыў фаварыт — нямецкі палітык Манфрэд Вэбер, кандыдатуру якога падтрымлівала Меркель.
Каментары