Здарэнні33

Вынеслі прысуд адэпту СССР, які «арыштоўваў» пракурорку

35-гадовы Іван Цырульнікаў з сакавіка быў пад вартай. Ён разам з паплечнікамі па фрык-суполцы прыхільнікаў СССР прыйшоў у пракуратуру і паспрабаваў там правесці «грамадзянскі арышт» пракуроркі. Але ў выніку затрымалі самога Цырульнікава.

Пасля быў суд. Вырашалі лёс Івана ў судзе Цэнтральнага раёна Мінска.

На мінулым тыдні агучылі вырак Цырульнікаву. Ён паедзе ў калонію.

«Ён раскаяўся на судзе, прызнаў віну. У выніку атрымаў 2 гады пазбаўлення волі. Яшчэ ёсць час на апеляцыю, прысуд не ўступіў у сілу», — распавяла «Нашай Ніве» жонка Цырульнікава.

Нагадаем, што Іван Цырульнікаў прыйшоў у пракуратуру паскардзіцца, што яму не хочуць памяняць грамадзянства ў пашпарце. Цырульнікаў прасіў, каб у беларускім пашпарце яму паставілі грамадзянства Савецкага Саюзу, бо ён член «Абшчыны Белай Русі» (такая суполка людзей з дзіўнаватымі поглядамі).

Чытайце. Адэпты СССР тэрарызуюць чыноўнікаў: давялі дэпутата да істэрыкі, на ўпаўнаважанага па справах рэлігій выклікалі АМАП. Хто яны? ВІДЭА

«Іван хацеў трапіць на прыём да пракурора горада, падаць заяву, бо яму ў пашпартным стале адмовілі выправіць дадзеныя ў пашпарце. Ён хацеў змяніць беларускае грамадзянства на грамадзянства Савецкага Саюза. РБ ж казала, што яна правапераемнік СССР. Таму МУС абавязаны выдаваць дакументы ў адпаведнасці з пасведчаннем аб нараджэнні. А там стаіць Савецкі Саюз», — тлумачыў паплечнік Івана Сяргей Созінаў

Падзеі, па словах Созінава, разгортваліся наступным чынам. У фае выйшла жанчына, якая назвалася пракуроркай. Яе нібыта папрасілі паказаць дакументы, яна адмовілася. Тады, кажа Созінаў, Іван Цырульнікаў абвесціў, што «правядзе грамадзянскі арышт» жанчыны. Прасцей кажучы, затрымае яе, бо, можа, яна і не пракурорка зусім.

У выніку для «грамадзяніна Савецкага Саюзу» Цырульнікава ўсё скончылася крымінальнай справай і рэальным тэрмінам.

Каментары3

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Дзядок патлумачыў, чаму вызвалілі менавіта тых палітвязняў, каго вызвалілі31

Дзядок патлумачыў, чаму вызвалілі менавіта тых палітвязняў, каго вызвалілі

Усе навіны →
Усе навіны

«Ужо сіл няма глядзець на гэтыя цэны». Беларусы скардзяцца на кошт аўтобусных білетаў у Літву4

«Чувак дзела сказаў». Людзі масава падтрымалі студэнта-афрыканца9

Вы выкідваеце чэкі з крамаў у макулатуру? Вы жорстка памыляліся3

«Я дзейнічаў паспешліва і дапусціў некалькі памылак». Сяргей Ціханоўскі запісаў відэа пра 100 дзён на волі60

У Мінску прадаюць кватэру за $2,3 мільёна. Што прапаноўваюць за такія шалёныя грошы? ШМАТ ФОТА10

У Офісе Ціханоўскай пракаментавалі рашэнне знізіць узровень яе фізічнай аховы ў Літве17

Беларус прапусціў стартавы матч у НХЛ. У яго няма амерыканскай візы

Эксперты назвалі тры бытавыя прыборы, якія ні ў якім разе нельга ўключаць праз падаўжальнік12

«Падумаў, што недзе побач мядзведзь». Нобелеўскаму лаўрэату ў лічбавым дэтоксе ўсё ж паведамілі пра ўзнагароду2

больш чытаных навін
больш лайканых навін

Дзядок патлумачыў, чаму вызвалілі менавіта тых палітвязняў, каго вызвалілі31

Дзядок патлумачыў, чаму вызвалілі менавіта тых палітвязняў, каго вызвалілі

Галоўнае
Усе навіны →

Заўвага:

 

 

 

 

Закрыць Паведаміць