Амерыканскі сенатар папрасіў праверыць расійскую праграму FaceApp на пагрозу бяспецы
18 ліпеня лідар Дэмакратычнай партыі ў Сенаце ЗША Чак Шумер папрасіў ФБР і Федэральную гандлёвую камісію ЗША праверыць папулярную праграму FaceApp з-за рызык для нацыянальнай бяспекі і персанальных даных.
Доступ да гэтых даных можа атрымаць «варожая замежная дзяржава», падкрэсліў сенатар.
Шумер папрасіў праверыць ФБР імавернасць, што даныя амерыканцаў трапяць да расійскага ўрада або звязаных з ім структур. Федэральная гандлёвая камісія, на яго думку, павінна папярэдзіць жыхароў ЗША пра небяспеку выкарыстання праграмы.
А кіраўнік аддзела бяспекі Дэмакратычнай партыі Боб Лорд разаслаў ліст удзельнікам перадвыбарнай кампаніі ў прэзідэнты ЗША ў 2020 годзе, у якім папрасіў неадкладна выдаліць FaceApp, калі яны паспелі яго ўсталяваць.
«На жаль, гэтая інавацыя не пазбаўленая рызыкі: FaceApp была распрацавана рускімі», — цытуе CNN ліст Лорда. Таму, канстатуе ён, загрузка фатаграфій у яго выклікае выклікае «істотную занепакоенасць».
Каментары